26 noyabr 2021-ci il tarixdə Azərbaycan Kənd Təsərrüfatı Nazirliyi Baytarlıq Elmi-Tədqiqat İnstitutunun 120 illik yubleyinə həsr olunmuş “Kənd təsərrüfatı heyvanlarının və quşların sağlamlığına və məhsuldarlığına müasir baxış” mövzusunda elmi-praktiki treyninq keçirilmişdir. Rusiya Federasiyasının “BİOTROF” Elmi-istehsalat kompleksi satış bölməsinin rəhbəri Bolşakov Vladislav Nikolayeviç, aqrar elmləri namizədi, Rusiya Federasiyası höküməti premiyasının laureatı, “Quş bağırsağının mikroflorası: müasir yanaşma və onun
təmizlənmə metodları” haqqında ətraflı məlumat verərək şirkətin yeni məhsulları haqqında danışmışdır. Treyninqdə “BİOTROF” Elmi-istehsalat kompleksinin digər mütəxəssisləri də çıxış etmiş və onların çıxışları treninq iştirakçıları tərəfindən rəğbətlə qarşılanmışdır. Qazaxıstan Respublikası, Semey şəhəri Şakarim adına Dövlət Universitetinin Baytarlıq fakultəsinin dekanı, baytarlıq elmləri namizədi, professor Saule Seilqazina “Xlorella suspenziyasının gənc İBH və toyuqların orqanizmində qanın biokimyəvi parametrlərinə təsiri” mövzusunda treyninqdə çıxış etmişdir.