Baytarlıq Elmi-Tədqiqat İnstitutunda 11 may 2022-ci il tarixində ölkəmizdə səfərdə olan Ümumdünya Heyvan Sağlamlığı Təşkilatının (OİE) Baytarlıq Xidmətlərinin Fəaliyyəti üzrə Ekspert Qrupu ilə görüş keçirilib.

          Ümumdünya Heyvan Sağlamlığı Təşkilatının Avropa ofisinin rəhbəri Budimir Plavşıç, qiymətləndirmə heyyətinin rəhbəri Sabine Hutter,  texniki ekspertlər Mixeil Sokhadze və Ago Paertelin iştirak etdiyi görüşdə BETİ-nin əsas fəaliyyət istiqamətləri barədə məlumat verilib. Bildirilib ki, institutun fəaliyyəti əsasən kənd təsərrüfatı heyvanlarının xəstəliklərinə dair araşdırmalar və tədqiqatların aparılması, xəstəliklərin yayılma risklərinin müəyyənləşdirilməsi, bakteroloji, virusoloji və seroloji müayinələrin aparılması, arı, quş, balıq xəstəliklərinin öyrənilməsi və tədbirlər planlarının hazırlanmasından ibarətdir.

          Ekspert Qrupunun əməkdaşları iş pirinsipini öyrənmək məqsədilə BETİ-nin laboratoriyalarına baxış keçiriblər, cihaz və avadanlıqlarla əyani tanış olublar.

        OİE-nin Ekspert Qrupunun üzvləri BETİ-nin nəzdində olan Baytarlıq Klinikasi ilə də tanış olublar. Onlara klinikada olan ən müasir cihaz və avadanlıqlar, sahibli və sahibsiz heyvanlara göstərilən xidmətlər barədə geniş məlumat verilib.