20 aprel 2026-cı il tarixində Qarabağ bölgəsində arıçılıq təsərrüfatlarında yaz mövsümünə hazırlıq məqsədilə maarifləndirici seminar keçirilib. Tədbirdə Xankəndi və Şuşa şəhərlərində fəaliyyət göstərən arıçılar iştirak edib, epizootik vəziyyətin qiymətləndirilməsi, arı xəstəliklərinin erkən diaqnostikası və profilaktik tədbirlərin təşkili istiqamətində müzakirələr aparılıb.

Seminarda KTN Baytarlıq Elmi Tədqiqat İnstitutunun baytar həkim-parazitoloqları – biologiya üzrə fəlsəfə doktoru, dosent Turan Elmlər Akademiyasının “Fəxri professoru,” Akademik Afət Süleymanova, biologiya üzrə fəlsəfə doktoru, dosent Niyazi Nəcəfov və biologiya üzrə fəlsəfə doktoru, dosent Ruslan Cəfərov, Şuşa Dövlət Aqrar İnkişafının direktoru Emin Bağırovun iştirakı ilə 21 aprel 2026-cı il tarixində  Şuşa şəhəri Dövlət Qoruq İdarəsi  Mənzil Komunal və təmir xidmətlərinin inzibati binasında “Qarabagda yerləşən  arıçılıq təsərrüfatlarında yaz vaxtı monitoringlərin keçirilməsi, epizootik durumun müəyyənləşdirilməsi və mövcud xəstəliklərə qarşı mübarizə tədbirlərinin aparılması” mövzusu üzrə çıxışlar edərək arı ailələrinin sağlamlığının qorunması, mövsümi risklər və müasir mübarizə üsulları barədə iştirakçılara ətraflı məlumat veriblər.

Tədbirin sonunda arıçıları maraqlandıran suallar cavablandırılıb, praktiki tövsiyələr təqdim olunub və yaz mövsümündə təsərrüfatların səmərəli idarə olunmasının əhəmiyyəti vurğulanıb. Xankəndi və Şuşa şəhəri arıçılıq təsərrüfatlarına baxış keçirilib və kliniki arıxana müayinələri aparılıb.