23 yanvar 2026-cı il tarixində Baytarlıq Elmi-Tədqiqat İnstitutunun direktor müavini, baytarlıq üzrə fəlsəfə doktoru, dosent Hacıyev İltifat Müzəffər oğlunun anadan olmasının 70 illik yubileyi münasibətilə tədbir keçirilib.

Tədbiri giriş sözü ilə İnstitutun direktoru Sialə Rüstəmova açaraq yubilyarı təbrik edib, ona möhkəm cansağlığı, uzun ömür və elmi-pedaqoji fəaliyyətində yeni uğurlar arzulayıb.

Daha sonra İnformasiya Təminatı və Baynəlxalq Əlaqələr şöbəsinin baş mütəxəssisi Nahidə Rzayeva çıxış edərək İltifat Hacıyevin elmi fəaliyyəti, baytarlıq elminin inkişafına verdiyi töhfələr, kadr hazırlığı sahəsindəki xidmətləri və uzun illər ərzində əldə etdiyi nailiyyətlər barədə ətraflı məlumat verib.

Tədbirin davamında İnstitutun əməkdaşları çıxış edərək yubilyarı səmimi təbrik edib, onun peşəkarlığını, yüksək insani keyfiyyətlərini və kollektivdə qazandığı hörməti xüsusi vurğulayıblar.

Sonda İltifat Hacıyev göstərilən diqqət və qayğıya görə rəhbərliyə və kollektivə minnətdarlığını bildirib.