2023-cü il Azərbaycan Respublikasının Prezidenti cənab İlham Əliyevin sərancamı ilə “Heydər Əliyev” ili elan olundu. Gündən-günə inkişafda olan Yeni Azərbaycan Respublikasında uğur, qalibiyyət və zəfər İlham Heydər oğlu Əliyevin Azərbaycan xalqına qayğısı ilə bərabər, həm də çəkdiyi böyük zəhmətin göstəricisidir.

             Azərbaycan Respublikası Kənd Təsərrüfatının inkişafı Heydər Əliyevin adı ilə bağlıdır!

         Müstəqil Azərbaycan respublikasının gündən-günə inkişafı və aparılan islahatlar bütün sahələrdə olduğu kimi kənd təsərrüfatı sahəsində də xüsusilə canlanmaqdadır. Bu canlanmanı Baytarlıq Elmi-Tədqiqat İnstitutunda və institutun nəzdində yaradılmış nəinki Bakının, eləcə də  Cənubi Qafqazın ilk böyük və müasir Baytarlıq Klinikasının fəaliyyətini  də xüsusi qeyd etmək lazımdır. Belə ki, son beş ildə institutumuz bir çox nailiyyətlər əldə etmişdir.  

       Baytarlıq Elmi-Tədqiqat İnstitutunun Baytarlıq preparatlarının istehsalının təşkili və tədbiqi şöbəsi  Neft Kimya Prosesləri İnstitutu ilə birgə aparılmış tədqiqatların nəticələrindən “4-izopropilaminometilfenol bağırsaq çöplərinə dezinfeksiyaedici vasitə-bakterisid kimi”  adlı ixtira Azərbaycan Respublikası Əqli Mülkiyyət Agentliyi tərəfindən Patent almışdır (№2020 0084, 06.11. 2020-ci il) və davamı olaraq həmin preparata elmdə bir yenilik olaraq Avrasiya patenti verilmişdir. (№038625,24.09.2021-ci il) 

          Kənd Təsərrüfatı Nazirliyinin Baytarlıq Elmi-Tədqiqat İnstitutunun   laboratoriyasında baytarlıq preparatlarının və diaqnostik  testlərindən: - Brusellyozun diaqnostikası üçün RB testi, Antigen testi, BETİGen markalı Quşların Newcastle Real Time PCR delection kit diaqnostik dəsti, Melanj IgY – yeni doğulmuş buzovlar və quzular üçün rotovirus, koronovirus infeksiyaları, eşerixoz və klostridioza qarşı bioloji  yem əlavəsi, Qara yara prisipitə edici serumu istehsal olunmuşdur.

             İnstitutumuzun son beş ildə əldə etdiyi nəaliyyətlərin davamı olaraq dahi şəxsiyyət, ulu öndər Heydər Əliyevin 100 illik yubileyi şərəfinə alimlərimiz yeni-yeni uğurlara imza atacaq.