2023-cü il 28-30 mart  tarixlərində Azərbaycan Respublikası Baytarlıq Elmi-Tədqiqat İnstitutunun (AQTİ) Abşeron Eksperimental Dayaq Məntəqəsinin müdiri Məmmədov Ramin   Qazaxıstan Respublikasında səfərdə olub.

Nümayəndəmiz Qazaxıstanın Almata şəhərində Ümumdünya Heyvan Sağlamlığı Təşkilatının (ÜHST) keçirdiyi “Mərkəzi Asiya və Qafqaz ölkələri üçün Baytarlıq İşçi Qüvvəsinin inkişafı üzrə Regional Maarifləndirmə Seminarı”nda iştirak edib.

Seminar ÜHST-yə üzv ölkələrdə işçi qüvvəsinə olan ehtiyacları nəzərdən keçirmək, adekvat və müvafiq işçi heyətin yaradılmasının vacibliyi barədə məlumatlılığı artırmaq, həmçinin baytar mütəxəssislərə töhfə verən amillər haqqında bilik və anlayışlar formalaşdırmaq məqsədilə təşkil edilib.

Seminarda Azərbaycanda baytar mütəxəssislərin yetişdirilməsi və işlə təmin olunması istiqamətində həyata keçirilən tədbirlər, həmçinin heyvan sağlamlığı sahəsində görülən işlər haqqında məlumatlar verilib.

Səfər zamanı Ramin Məmmədov tədbirdə iştirak edən digər ölkələrin təmsilçiləri ilə görüşüb və görüşlər zamanı qarşılıqlı maraq doğuran məsələlər ətrafında fikir mübadiləsi aparılıb.