24.05.2023-cü il tarixində Macarstanın Kənd Təsərrüfatı naziri İstvan Nagyinin rəhbərlik etdiyi nümayəndə heyəti  Kənd Təsərrüfat Nazirliyi Baytarlıq Elmi-Tədqiqat İnstitutunda oldular. Nazir və rəhbərlik etdiyi nümayəndə heyəti İnstitutun  “Baytarlıq klinikası və heyvanların infeksion xəstəlikləri”, “Yoluxmayan xəstəliklər və baytarlıq sanitariya”, “Quş xəstəlikləri”, “Parazitologiya”, “Baytarlıq preparatlarının istehsalının təşkili və tətbiqi”, “Virusologiya və İmmunologiya”, “Balıq və arı xəstəlikləri” şöbələri, 3-cü Biotəhlükəsizlik Səviyyəli Mərkəzi Referens Laboratoriyası və Baytarlıq Klinikası ilə tanış oldular.  İnstitutumuzun laborator şəraitində hazırlanmış “Yeni doğulmuş buzovların rotovirus, koronavirus, eşerixioz infeksiyalarına qarşı hazırlanmış İgY-texnologiyası”, Brusellyozun diaqnostikası üçün Antigen, RozBenqal testi, BETİGen markalı “Quşların Newcastle Real Time PCR detection kit” diaqnostik dəsti, atların qan zərdabından hazırlanmış iri və xırda buynuzlu heyvan dərisində müayinəsi üçün  “qara yara  presipitəedici serumla” tanış oldular. Nazir və onun rəhbərlik etdiyi nümayəndə heyəti eyni zamanda Baytalıq Klinikası ilə ətraflı tanış oldular.

          Qonaqlar Baytarlıq Elmi-Tədqiqat İnstitutu və Baytarlıq Klinikasında olduqlarından məmnun qaldıqlarını bildirdilər və sonda xatirə şəkli çəkdirdilər