Bakı Ekspo Mərkəzində 15-ci yubiley Azərbaycan Beynəlxalq Kənd Təsərrüfatı (Caspian Agro 2022) və 27-ci Azərbaycan Beynəlxalq Qida Sənayesi (InterFood Azerbaijan) sərgisinin ikinci günü 19 may 2022-ci il tarixində “Qadın Qüdrəti” adlı panelində Baytarlıq Elmi-Tədqiqat İnstitutunun direktoru, aqrar elmləri üzrə fəlsəfə doktoru, dosent Sialə Rüstəmova çıxış etdi. S.Rüstəmova çıxışında institutumuzun nailiyyətlərindən danışdı. Əməkdaşlarımız təlim və seminarlarda fəal iştirak edir, xəstəliklərə qarşı elmi və praktiki əhəmiyyət kəsb edən mübarizə tədbirləri istiqamətində hazırlanmış buklet, tövsiyə və kitabları fermerlərə təqdim edir, təklif və tövsiyələrini verir. S.Rüstəmova çıxışında institutumuzun qadınlarının fəaliyyətini xüsusi vurğuladı.