26 dekabr 2025-ci il tarixində Baytarlıq Elmi -Tədqiqat İnstitutunda mövzu planına uyğun olaraq 2025-ci ildə yerinə yetirilmiş illik elmi hesabatların təqdimatı olmuşdur. Təqdimatlar icra qrafikinə uyğun olaraq aşağıdakı ardıcılıqla verilmişdir:  Parazitologiya şöbəsi,Baytarlıq klinikası və heyvanların infeksion xəstəlikləri şöbəsi,  Balıq və arı xəstəlikləri şöbəsi,    Baytarlıq preparatlarının istehsalının təşkili və tədbiqi şöbəsi, Virusologiya və immunologiya şöbəsi, Quş xəstəlikləri şöbəsi,  Baytarlıq sanitariyası və yoluxmayan xəstəliklər şöbəsi, İnformasiya təminatı və beynəlxalq əlaqələr şöbəsi.

Həmçinin İnstitutun direktoru, aqrar elmləri üzrə fəlsəfə doktoru, dosent Sialə Rüstəmova çıxış edərək 2025-ci ildə görülmüş işlərə dair ətraflı məlumat vermiş, əldə olunan nəticələri və qarşıda duran prioritet istiqamətləri qeyd etmişdir. O, eyni zamanda 2026-cı ildə İnstitutun qarşısında duran əsas vəzifələr, planlaşdırılan elmi-tədqiqat işləri və perspektiv hədəflər barədə iştirakçıları məlumatlandırmışdır.

İclasın sonunda Baytarlıq klinikası və heyvanların infeksion xəstəlikləri şöbəsinin böyük elmi işçisi Səfərova Səadət yubileyi münasibətilə təbrik olunmuş, ona gələcək fəaliyyətində uğurlar arzulanmışdır.