Baytarlıq Elmi-Tədqiqat İnstitutu Parazitologiya şöbəsinin əməkdaşları Qəbələ (Yenikənd, Böyük Əmili kəndləri) və Oğuz (Bucaq kəndi) rayonlarının bəzi heyvandarlıq təsərrüfatlarında qan-parazitar xəstəliklərinə görə monitorinq keçiriblər.  Monitorinq zamanı xəstə və xəstəliyə şübhəli qızdırmalı heyvanlara kliniki baxış keçirilmiş, heyvanlardan periferik qan yaxma nümunələri götürülmüşdür.  Nümunələr Parazitologiya şöbəsinin laboratoriyasında müayinə olunmuş, heyvanlarda anaplazmoz və teylerioz xəstəliklərinin olduğu müəyyən edilmişdir. Qızdırmalı heyvanlarda digər parazitar xəstəliklərin – helmintoz və protozoozlarla assosiativ formada yoluxma olduğunu aşkar etmək üçün fekal nümunələri də götürülərək, müayinədən keçirilmişdir. Müayinlərin nəticələrinə əsasən heyvanlarda moniezioz, mədə-bağırsaq və tənəffüs yolları strongilyatozları ilə intensiv yoluxma olduğu müəyyən edilmişdir. Parazitar xəstəliklərə qarşı - müalicə və profilaktika tədbirləri,  eləcə də laborator müayinələrin nəticələri əlavə olunmuş ekspertizalar rayonların “Heyvan Sağlamlığı və Baytarlıq Xidmətləri İdarəsi”nə təqdim edilmişdir.