01.03.2024-cü il tarixindən ADAU-nin və LDU-nin  Baytarlıq fakültəsinin 5-ci kurs tələbələri Baytarlıq Elmi-Tədqiqat İnstitutunun Batyarlıq klinikası və heyvanların infeksion xəstəlikləri şöbəsində, Arı və balıq şöbəsində, Quş xəstəlikləri şöbəsində və institutun digər şöbələrində istehsalat təcrübəsinə başladılar. Təcrübəçilər klinikada ev və təsərrüfat heyvanları üzərində aparılan müalicə-profilaktik tədbirlərin aparılmasında, müxtəlif osteosintez və qısırlaşdırılma əməliyyatlarının aparılmasında yaxından iştirak edirlər. İri və xırda buynuzlu heyvanlıarın infeksion xəstəliklərinin aşkarlanmasında iştirak edirlər. Eləcə də digər şöbələrdə aparılan laboratoriya işlərində yaxından iştirak edirlər. Onlar şöbələrdə çalışan elmi işçilərin bilik və bacarıqlarından yararlanırlar. Tələbələrin praktik təcrübələri may ayının 25-nə kimi davam edəcək.