3-5 iyun 2024-cü il tarixlərində Baytarlıq Elmi-Tədqiqat İnstitutunun Parazitologiya şöbəsinin müdiri Aygün Əzizova, şöbənin böyük elmi işçiləri Ülviyyə Mehralıyeva, Gülər Məmmədova və böyük laborant Tahirə Xəlilova Qax rayonunun Sarıbaş və Qaxingiloy kəndlərində heyvandarlıq təsərrüfatlarında parazitar xəstəliklərə görə monitorinq keçirmişlər.  Kliniki baxış zamanı qızdırmalı heyvan aşkar edilməsə də, heyvanların gənələrlə intensiv yoluxması qeyd edilmişdir. Fermerlərə iri və xırdabuynuzlu heyvanları qan-parazitar xəstəliklərdən qorumaq üçün mütəmadi olaraq innovativ preparatlarla çimizidirilməsi tövsiyə olundu. Heyvanlardan toplanılmış gənələr növ tərkibinin və daşıdıqları törədicilərin təyini üçün Parazitologiya laboratoriyasına gətirilmişdir.