Şöbənin əməkdaşı-böyük elmi işçisi, Avrasiya Patent müəllifi Nurəddin Quliyev laboratoriyada aparılan elmi təcrübələrlə tələbələri məlumatlandırdı. O şöbədə icra olunan mövzu, görülən işlər və s. barədə tələbələrə məlumat verdi. Xəstəliklərin metodikaya uyğun olaraq diaqnostikasının düzgün aparılması, habelə müalicə və profilaktika tədbirlərinin icrası məsələləri ilə tanış etdi.
Tələbələrin istər quş, istərsə də heyvan xəstəlikləri barədə verdikləri çoxsaylı suallara ətraflı cavab verildi. Tələbələrə S.İ.Rüstəmova, A.R.Əsgərov, N.Q.Quliyev, Ü.R.Səmədovanın müəllifləri olduqları “Ailə təsərrüfatlarında quşların bəslənməsi” adlı tövsiyə və bir neçə quş xəstəliklərinə aid bukletlər hədiyyə olundu.