Azərbaycan Respublikası Kənd Təsərrüfatı Nazirliyində 1 noyabr – Kənd Təsərrüfatı İşçiləri Gününə həsr olunmuş təntənəli yığıncaq keçirilmişdir. Tədbiri giriş sözü ilə açan Kənd Təsərrüfatı naziri Məcnun Məmmədov kənd təsərrüfatı işçilərini peşə bayramı münasibətilə təbrik etmişdir. Daha sonra 2025-ci ildə yüksək nəticə göstərmiş fermerlərə, aqrar sahədə uzunmüddətli fəaliyyətinə görə Nazirliyin əməkdaşlarına, həmçinin Nazirliyin tabeliyində olan elmi-tədqiqat institutlarının elmi işçilərinə təşəkkürnamələr təqdim olunmuşdur.
Bu tədbirdə Baytarlıq Elmi-Tədqiqat İnstitutunun Baytarlıq Klinikası və Heyvanların İnfeksion Xəstəlikləri şöbəsinin aparıcı elmi işçisi, biologiya üzrə fəlsəfə doktoru, dosent Mustafayeva Nahidə Abduləli qızı da iştirak etmiş və ona Kənd Təsərrüfatı naziri tərəfindən təşəkkürnamə təqdim edilmişdir.