Lənkəran Dövlət Universitetinin (LDU) “Baytarlıq” fakültəsinin “Baytarlıq təbabəti” ixtisası üzrə təhsil alan V kurs tələbələri üçün Azərbaycan Respublikası Kənd Təsərrüfatı Nazirliyinin Baytarlıq Elmi-Tədqiqat İnstitutunda kliniki-təcrübə dərsləri keçirilir.
“Baytarlıq” fakültəsinin “Baytarlıq təbabəti” ixtisası üzrə V kurs tələbələri hazırda Baytarlıq Elmi-Tədqiqat İnstitutunun nəzdində fəaliyyət göstərən Virusologiya və immunologiya şöbəsində kliniki-təcrübə dərslərini davam etdirirlər.
Virusologiya və immunologiya şöbəsinin elmi əməkdaşları tərəfindən tələbələrə şöbənin iş prinsipi, oradakı avadanlıqların işləmə mexanizmi, həmçinin innovativ texnologiyaların tətbiqi ilə virusologiyanın klassik metodları, timolun bakteriosid və dezinfeksiyaedici xassələri, eləcə də PZR analizinin ekstraksiya mərhələsi barədə kliniki-təcrübə dərsləri keçirilir.
Qeyd edək ki, tədris planına əsasən 15 sentyabr tarixindən başlanan kliniki-təcrübə dərsləri 15 həftə davam edəcək.
Azərbaycan Baytarlıq Elmi Tədqiqat İnstitutu 1930-cu ildə yaradılmışdır.
İnstitut təşkil etdiyi gündən keçən illər ərzində kiçik stantsiyadan iri elmi müəssisəyə çevrilmişdir. 2001-ci ildə institutun 100 illiyi tamam olmuşdur.
AzETBİ ciddi baytarlıq problemlərini hazırlayıb həyata keçirən və baytarlıq üzrə elmi kadrlar hazırlayan mərkəzdir. İnstitutda bu günə kimi 23 elmlər doktoru və 173 elmlər namizədi yetişdirmişdir.
(+99455) 553 74 49
(+99412) 514 84 03
Azərbaycan, İndeks 1029, Bakı şəhəri, Nizami rayonu, Böyük Şor qəsəbəsi, 8-ci Köndələn küçəsi
© 2019 Azərbaycan Baytarlıq Elmi-Tədqiqat İnstitutu. Sayt lider.az tərəfindən hazırlanmışdır.
