Baytarlıq Elmi Tədqiqat İnstitutunun Balıq və arı xəstəlikləri şöbəsinin müdiri, biologiya və fəlsəfə doktoru, dosent, Turan Elmlər Akademiyasının “Fəxri professoru” Afət Süleymanova, Aqrar Xidmətlər Agentliyinin Balıq sağlamlığı və balıqçılıqda məhsuldarlığın təşkili şöbəsinin müavini və sektor müdiri, biologiya üzrə fəlsəfə doktoru, dosent Elçin Məmmədov tərəfindən14 noyabr 2025-ci il tarixində Salyan rayonu Təlim Mərkəzində “Nərəcinsli balıqların xəstəlikləri, onlara qarşı baytarlıq tədbirləri “ mövzusu üzrə təlim-seminar keçirilmişdir.

Bu məqsədlə xüsusi hazırlanmış plan proqramı üzrə göl-balıqçılıq təsərrüfatlarında yetişdirilən karpkimi və nərəbalıqkimi balıqların xəstəliklərinin müəyyənləşdirilməsi onlara qarşı kompleks mübarizə tədbirlərinin aparılması, xəstəliklərin ləğv edilməsində qabaqlayıcı profilaktika tədbirlərinin təşkili, balıqların parazitar xəstəliklərinə görə müxtəlif üsullarla müayinə qaydaları haqqında geniş məruzələr etmişlər. Azərbaycanda balıqçılığın intensiv inkişaf etdirilməsi, bol məhsuldarlığın əldə edilməsi, infeksion və invazion xəstəliklərin düzgün və vaxtında diaqnostikasının aparılması və balıqçılıqda olan mövcud problemlər müzakirə olunmuşdur. Seminardan sonra təlimçilər fermerlərin iştirakı ilə göl -balıqçılıq təsərrüfatlarına baxış keçirmişlər.